سياسة الخصوصية

آخر تحديث: 2026-11-07

ناخذ بس اللي يحتاجه التطبيق: اسمك ورقم جوالك والإيميل إذا حطيته، واللي تسويه (الطلعات وروابط الاجتماعات والحجوزات)، وبيانات التحويل اللي تختار تحفظها للقطّة.

الضيوف اللي يردّون على رابط يكتبون اسمهم، وإذا حبّوا إيميل أو رقم. المنظّم يشوفها، والضيوف الباقين يشوفون الاسم الأول بس، وما يشوفون الأرقام أبداً.

رقم BenefitPay والـ IBAN حقك يطلعون بس لضيوف طلعة مؤكدة فيها قطّة. ما نبيع بياناتك ولا نشاركها للإعلانات.

نستخدم Supabase لحفظ البيانات، وResend للإيميلات، وExpo للتنبيهات، وRevenueCat للاشتراكات. PostHog يحسب كيف ينستخدم التطبيق والروابط، وSentry توصله تقارير الأعطال، وما يوصلهم اسمك ولا رقمك ولا إيميلك. يتعاملون مع البيانات بس عشان يشغّلون هالخدمات.

تقدر تحذف حسابك من «حسابي» في التطبيق. ينحذف نهائياً بعد 30 يوم، ويرجع لك إذا دخلت قبلها. نلتزم بقوانين حماية البيانات الشخصية في البحرين والسعودية.

يشغّل يمديك NewMux (سجل تجاري رقم 182684-1، مملكة البحرين)، وهي المسؤولة عن بياناتك. لأي استفسار أو طلب بخصوص بياناتك: info@newmux.com.